Ադրբեջանում արժեզրկումը տարեկան կտրվածքով կազմել է 13.6 տոկոս
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Հունվարին Ադրբեջանում արժեզրկումը տարեկան կտրվածքով կազմել է 13,6 տոկոս:
Ինչպես հաղորդում է «Արմենպրես»-ը, այս մասին հայտնում է azadliq.onfo կայքը` հղում կատարելով Ադրբեջանի պետական վիճակագրական կոմիտեի փոխնախագահ Յուսիֆ Յուսիֆովին:
Ըստ Ադրբեջանի Պետվիճկոմի` պարենամթերքը թանկացել է 18,3 տոկոսով, ոչ պարենային ապրանքները` 17,2 տոկոսով, ծառայությունները` 4,6 տոկոսով:
Պետվիճկոմի մամուլի տեղեկագրում ասվում է, որ Ադրբեջանում ագրոարդյունաբերական համալիրի արտադրանքի գները 2016 թվականի հունվարին, անցյալ տարվա դեկտեմբերի համեմատ, 1,3 տոկոսով աճել են: Ադրբեջանցի անկախ փորձագետները հայտնում են, որ մանաթի դեկտեմբերյան երկրորդ արժեզրկումից հետո Ադրբեջանում բոլոր տեսակի ապրանքները, այդ թվում պարենամթերքը 50 տոկոսով թանկացել են:
Բաժանորդագրվեք մեր ալիքին Telegram-ում