ԳԱՎԱՌ, 11 ՓԵՏՐՎԱՐԻ, ԱՐՄԵՆՊՐԵՍ : Գեղարքունիքի մարզի հիվանդանոցներում փետրվարի 11-ի դրությամբ ստացիոնար բուժում է ստանում սուր շնչառական հիվանդություն ունեցող 29 հիվանդ, որոնցից 13-ի մոտ ախտորոշված է թոքաբորբ:

Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի առողջապահության ու սոցիալական ապահովության վարչության պետ Անուշ Պողոսյանը, փետրվարի 1-ի համեմատ գրանցված սուր շնչառական հիվանդությունների դեպքերը մարզում նվազել են 33-ով:

«Սուր շնչառական հիվանդությունները մարզում ոչ միայն ավելացման միտում չունեն, այլ գնալով հասնում են նվազագույնի: Մարզի ուսումնական հաստատություններում կատարված ուսումնասիրությունների համաձայն, աստիճանաբար բարձրանում է նաեւ աշակերտների հաճախելիության տոկոսը, իսկ դասասենյակներում ապահովվում է սենյակային ջերմաստիճանը: Ամենօրյա ուսումնասիրությունները դպրոցներում եւ բուժհիմնարկներում կշարունակվեն փետրվարի ընթացքում «-նշեց վարչության պետը:

Խոսրով Խլղաթյան