Մահացել է ամենաերկարակյաց փոխպատվաստված սրտի տերը
12:08, 11 Փետրվար 2016
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Անգլիայում մահացել Է 73-ամյա Ջոն Մակքաֆերտին, որը 33 տարի առաջ ենթարկվել Է սրտի փոխպատվաստման: Հանգուցյալը դարձել Է փոխպատվաստով ապրելու տեւականության ռեկորդակիր, տեղեկացնում Է «Արմենպրես»-ը՝ հղում անելով BBC-ին:
1982 թվականի հոկտեմբերին նրան օրգանի փոխպատվաստում Է կատարել եգիպտա-բրիտանացի վիրաբույժ Մաղդի Յակուբը, որը հետագայում ասպետի կոչման Է արժանացել բժշկագիտության բնագավառում ներդրած ավանդի համար:
Մակքաֆերտիի այրին հայտարարել Է, որ իր ամուսնուն երեսուն տարվա աներեւակայելի կյանք են նվիրել:
Հանգուցյալը ոչ միայն հասցրել Է շրջել աշխարհը, այլեւ ատլետիկայի մրցումների Է մասնակցել փոխպատվաստներով ապրող այլ մարդկանց հետ:
Բաժանորդագրվեք մեր ալիքին Telegram-ում