Հրազդանում փրկարարները ձյան մեջ արգելափակված մի շարք մեքենաներ են դուրս բերել
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունից տեղեկացնում են, որ փրկարարների օժանդակությամբ Հրազդան քաղաքում ձյան մեջ արգելափակված մի շարք մեքենաներ են դուրս բերվել:
«Արմենպրես»-ի հաղորդմամբ` ժամը 19.18-ին ահազանգ է ստացվել, որ Կոտայքի մարզի Հրազդան քաղաքի նախկին «Էրեբունի» ռեստորանի մոտակայքում «Jeep Wrangler» մակնիշի ավտոմեքենան արգելափակվել է ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել թիվ ՀՓՋ-ի ՕԽ-ն:
Հրշեջ-փրկարարներն արգելափակումից դուրս են բերել «Jeep Wrangler» մակնիշի 88 VR 838 պ/հ բեռնատար ավտոմեքենա (2 ուղևոր):
Ժամը 17.45-ին ահազանգ է ստացվել, որ Կոտայքի մարզի Հրազդան քաղաքի Կոճոռ թաղամասի թիվ 118 տան մոտակայքում «ЗИЛ 130» բեռնատար ավտոմեքենան արգելափակվել է ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել թիվ ՀՓՋ-ի ՕԽ-ն:
Հրշեջ-փրկարարներն արգելափակումից դուրս են բերել «ЗИЛ 130» մակնիշի 19 TO 600 պ/հ բեռնատար ավտոմեքենա (2 ուղևոր):
Ժամը 17.38-ին ահազանգ է ստացվել, որ Կոտայքի մարզի Հրազդան քաղաքի Երևանյան փողոցի թիվ 16 շենքի մոտակայքում ավտոմեքենան արգելափակվել է ձյան մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել թիվ ՀՓՋ-ի ՕԽ-ն:
Հրշեջ-փրկարարներն արգելափակումից դուրս են բերել «Audi A6» մակնիշի 34 TC 806պ/հ ավտոմեքենան (2 ուղևոր):
Բաժանորդագրվեք մեր ալիքին Telegram-ում