Կանադան 1,2 մլրդ դոլար կծախսի Սիրիայում եւ Իրաքում ճգնաժամի հաղթահարման համար
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Կանադայի կառավարությունն առաջիկա երեք տարվա ընթացքում 1,6 մլրդ դոլար (մոտավորապես 1,2 մլրդ ԱՄՆ-ի դոլար) կծախսի Սիրիայում եւ Իրաքում ճգնաժամի հաղթահարման համար: Այդ մասին, ինչպես տեղեկացնում Է «Արմենպրես»-ը, ասված Է Կանադայի վարչապետ Ջասթին Թրյուդոյի հայտարարության մեջ, որը տարածել Է նրա մամուլի ծառայությունը:
Նշված միջոցները կուղղորդվեն «անվտանգության ամրապնդմանը, իրադրության կայունացմանը, հումանիտար օգնությանը եւ Սիրիայում եւ Իրաքում ճգնաժամերի հաղթահարմանը, ինչպես նաւե Հորդանանի եւ Լիբանանի իրադրության վրա ազդելու այլ միջոցառումների»:
«Կանադան պետք Է ավելին անի Սիրիայի եւ Իրաքի իրադրությունը դիվանագիտական ճանապարհով կարգավորելու համար»,-ընդգծել Է Թրյուդոն:
Ավելի վաղ նա հայտարարել Է, որ Կանադայի ռազմաօդային ուժերը մինչեւ ընթացիկ տարվա փետրվարի 22-ը կդադարեցնեն մասնակցությունը Սիրիայում եւ Իրաքում ԻՊ խմբավորման դիրքերի ռմբակոծումներին: Փոխարենը Իրաքում կանադացի զինվորական հրահանգիչների թվաքանակը «կավելացվի երեք անգամ՝ 69-ից մինչեւ 230»:
«Կարեւոր Է հասկանալ, որ ավիահարվածները կարող են շատ օգտակար լինել կարճաժամկետ ռազմական ու տարածքային հաղթանակների հասնելու համար, բայց դրանք չեն կարող երկարաժամկետ կայունություն ապահովել տեղի բնակչության համար»,-պարզաբանել Է Թրյուդոն, հաղորդել Է ՏԱՍՍ-ը:
Լուսանկարը` ТАСС
Բաժանորդագրվեք մեր ալիքին Telegram-ում