Բաքվեցիների 86 տոկոսն ավանդները պահում է դոլարով
13:10, 8 Փետրվար 2016
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Ադրբեջանի կենտրոնական բանկի համաձայն` 2016 թվականի հունվարի 1-ի դրությամբ բնակչության բոլոր բանկային ավանդների 93,6 տոկոսը Բաքվի բնակիչների ավանդներն են, բաքվեցիների 86,4 տոկոսն ավանդները պահում է դոլարով:
Այս մասին, ինչպես հաղորդում է «Արմենպրես»-ը, հայտնում է «Ինտերֆաքս Ազերբայջան»-ը` հղում կատարելով Ադրբեջանի ԿԲ-ին:
Նշվում է, որ 2015 թվականին մանաթի փոխարժեքի փետրվարյան եւ դեկտեմբերյան գրեթե 100 տոկոսով արժեզրկումից հետո մանաթով ավանդները 69,9 տոկոսով պակասել են:
Ադրբեջանական ԶԼՄ-ների համաձայն` մանաթի արժեզրկման հետեւանքով Ադրբեջանում 2015 թվականի ընթացքում եւ 2016 թվականի հունվարին արդեն 14 բանկ փակվել են: Ներկայում այդ երկրում գործում են ընդամենը 36 բանկ:
Բաժանորդագրվեք մեր ալիքին Telegram-ում