«Բանանց»-ը 4-0 հաշվով հաղթել է «Ալաշկերտ-2»-ին
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Երևանի «Բանանց»-ը 4-0 հաշվով վստահ հաղթանակ է տարել ֆուտբոլի Հայաստանի առաջնության առաջին խմբի առաջատար «Ալաշկերտ-2»-ի դեմ ստուգողական խաղում: Ինչպես հաղորդում է «Արմենպրես»-ը, «Բանանց»-ի պաշտոնական կայքի տեղեկատվության համաձայն, հանդիպման բոլոր չորս գոլերը խփվել են առաջին կեսում:
Խաղի 10-րդ րոպեին խաղընկերոջ եզրային փոխանցումը եզրափակել է Ացամազ Բուրաևը: Քիչ անց հակագրոհի ժամանակ հիանալի է կողմնորոշվել Պետրոս Ավետիսյանը և գեղեցիկ փոխանցմամբ դարպասապահի դեմ մեն-մենակ է դուրս բերել Զավեն Բադոյանին: Վերջինս օգտագործել է իր հնարավորությունը՝ հաշիվը դարձնելով 2-0: Հանդիպման 36-րդ րոպեին կրկին իր հարձակողական ունակություններով աչքի է ընկել Ացամազ Բուրաևը: Չորրորդ անգամ հակառակորդի դարպասը գրավել է Հակոբ Հակոբյանը:
Բաժանորդագրվեք մեր ալիքին Telegram-ում