ԵՐԵՎԱՆ,  5  ՓԵՏՐՎԱՐԻ, ԱՐՄԵՆՊՐԵՍ: Բրազիլիայի հակաահաբեկչական ծառայությունները պատրաստվում են օլիմպիական խաղերին: Ինչպես տեղեկացնում է «Արմենպրես»-ը, РИА Новости գործակալության տեղեկատվության համաձայն, չնայած այդ երկիրը կարողացել է խուսափել «Իսլամական պետության»  հարձակումներից,  իշխանությունները պատրաստ են ամենավատ սցենարին:

«Մենք մշտական ​​մարտական ​​պատրաստության մեջ ենք եւ պատրաստ ենք վատագույն սցենարի զարգացմանը», - հայտարարել է Բրազիլիայի խոշոր միջոցառումների անվտանգության քաղաքացիական ծառայության ղեկավար Էնդրյու Ռոդրիգեսը:

Օլիմպիական խաղերի անվտանգությունը կապահովեն մոտ 85 հազար մարդ, որից 47 հազար ոստիկաններ եւ 38 հազարը՝ զինծառայող: Սա երկու անգամ ավելի է, քան նախորդ՝ Լոնդոնում անցկացված օլիմպիական խաղերի անվտանգությունն ապահովող անձնակազմն էր:

31-րդ ամառային օլիմպիական խաղերը կանցկացվեն օգոստոսի 5-21-ը:  Դա կլինի առաջին օլիմպիական խաղերը, որ անց են կանցվում Հարավային Ամերիկայում:

Լուսանկարը` AFP