ԼՂՀ ԱԳ նախարարն աշխատանքային այցով մեկնել է ԱՄՆ
11:40, 7 Դեկտեմբեր 2015
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի Հանրապետության արտաքին գործերի նախարար Կարեն Միրզոյանը դեկտեմբերի 6-ին աշխատանքային այցով մեկնել է ԱՄՆ։ Ինչպես «Արմենպրես»-ին տեղեկացրին ԼՂՀ արտգործնախարարության տեղեկատվական վարչությունից, այցի շրջանակներում Կարեն Միրզոյանը ԱՄՆ Կոնգրեսում Արցախի անկախության տարեդարձին նվիրված ավանդական միջոցառմանը հանդես կգա ելույթով, ինչպես նաև կունենա մի շարք հանդիպումներ, այդ թվում` հայկական կազմակերպությունների ներկայացուցիչների և ԱՄՆ կոնգրեսականների հետ։
Բաժանորդագրվեք մեր ալիքին Telegram-ում