Բրիտանիայի իշխանությունները հայտարարել են անձրեւների պատճառով հեղեղումների սպառնալիքի մասին
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Մեծ Բրիտանիայի մի քանի շրջանների իշխանություններ սպառնալիքի մակարդակը բարձրացրել են մինչեւ «նարնջագույն» եւ բնակչությանը նախազգուշացրել են անձրեւների պատճառով հեղեղումների հնարավորության եւ փոթորկալի քամու մասին, որը կղզի Է հասել Ատլանտյան օվկիանոսից, տեղեկացնում Է «Արմենպրես»-ը՝ հղում անելով Telegraph հրատարակությանը:
Քամին հասնում Է ժամում 96 կիլոմետր արագության: Եղանակային պայմանների պատճառով չեղյալ են հայտարարվել մի շարք չվերթեր եւ կանգնեցվել Է երկաթուղային հաղորդակցությունն ու երթեւեկությունը դեպի Շոտլանդիա եւ Անգլիայի հյուսիս-արեւելք տանող ավտոճանապարհներին: Տեղական ԶԼՄ-ների հաղորդումների համաձայն՝ հարեւան Իռլանդիայում շուրջ 6 հազար տուն առանց լույսի Է մնացել:
Եղանակային խիստ պայմանները կարող են շարունակվել եւս երկու շաբաթ, սակայն օդերեւութաբաններն սպասում են, որ քամին կսկսի հանդարտվել նոյեմբերի 30-ին:
Զոհերի եւ տուժածների վերաբերյալ հաղորդումներ չեն ստացվել, գրում Է ՌԻԱ Նովոստին:
Լուսանկարը` REUTERS
Բաժանորդագրվեք մեր ալիքին Telegram-ում