Միացյալ Թագավորությունում ՌԴ դեսպանության հրապարակած ծաղրանկարը զայրացրել է թուրք օգտատերերին
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի կողմից ռուսական ինքնաթիռի կործանումից հետո սկսված ռուս-թուրքական տարաձայնությունները մեծ թափ են ստացել նաև սոցիալական ցանցերում: Վերջերս Միացյալ Թագավորությունում Ռուսաստանի դեսպանատան կողմից հրապարակած լուսանկարը մեծապես զայրացրել է թուրք օգտատերերին:
Ինչպես հաղորդում է «Արմենպրես»-ը, դեսպանությունը հրապարակել է Առաջին համաշխարհային պատերազմի 100-րդ տարելիցին նվիրված ծաղրանկար, որտեղ պատկերված են ռուս զինվորը և թուրք փաշան: Ծաղրանկարում պատկերված հաղթանդամ ռուս զինվորը նստած ժպտալով հետևում է, թե ինչպես է իրենից անհամեմատ փոքր, թզուկ օսմանյան փաշան փորձում հարվածել իրեն:
Թուրք օգտատերերն իրենց գրառումներում հայտնել են զայրույթը լուսանկարի հրապարակման առնչությամբ՝ անմիջապես հիշեցնելով ռուսներին, թե ինչպես են թուրքական կործանիչները խոցել ռուսական Սու-24 ինքնաթիռը:
Commemorating WW1 centenary: spectacular Russian poster art from 1915 pic.twitter.com/k2WIf4G4BX
— Russian Embassy, UK (@RussianEmbassy) 26 ноября 2015
Բաժանորդագրվեք մեր ալիքին Telegram-ում