ԱՆԿԱՐԱ, 25 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի մայրաքաղաք Անկարայում գրանցված պայթյունը բնակչության շրջանում լուրջ խուճապ եւ հիստերիա է առաջացրել: Պայթյունը, որ ներկա դրությամբ ամենաքննարկվողն է թուրքական սոցիալական ցանցերում, տեղի է ունեցել մայրաքաղաքի Բատիկենտ շրջանում տեղական ժամանակով 13:30-ին:

Ինչպես հաղորդում է «Արմենպրես»-ը` վկայակոչելով Mirror-ը, բնակիչները հայտարարել են, որ լսել են ուժեղ պայթյուններ քաղաքի միանգամից մի քանի հատվածներում: Ներկա դրությամբ չկա պաշտոնական որեւէ հաղորդագրություն: Թուրքական ոստիկանությունը ճշտում է պայթյունի վայրերն ու պատճառները: Շրջանառվող ամենահավանական վարկածերը երկուսն են` գազի արտահոսք կամ էլ հատուկ ակցիա տեղացիներին վախեցնելու համար:

Թուրքական տարբեր լրատվամիջոցներով վիրավորների երկու թիվ է շրջանառվում` 3 եւ 5: Դեռեւս հայտնի չէ` նրանք վիրավոր են, թե մահացել են: Ըստ թուրքական լրատվամիջոցների, քաղաքում աշխատում են հրշեջներ, շտապօգնության մեքենաներ:

Լուսանկարը` Reuters