Չինուհին հանուն ռեկորդի մազերի հյուսքը հասցրել Է երկուսուկես մետրի
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Չինաստանի բնակչուհիներից մեկը՝ Գի Մենգը, 35 տարվա ընթացքում իր մազերի հյուսքը հասցրել Է 2,52 մետրի, որպեսզի հայտնվի Գինեսի ռեկորդների գրքում: Այդ մասին, ինչպես տեղեկացնում Է «Արմենպրես»-ը, գրել Է
Յուննան նահանգի Մյաո ժողովրդին պատկանող 59-ամյա կինը մազերը չի կտրել 24 տարեկանից ի վեր: Տարեկան դրանք երկարել են 6-7 սանտիմետրով:
Գի Մենգը մազերը հաստ հյուսք Է անում: Դաշտում աշխատելու ժամանակ նա դրանով հինգ օղակ Է անում գլխի վրա եւ երեք անգամ փաթաթում իրանին:
Կինն ասել Է, որ հյուսքն իր գլխավոր հարստությունն Է: Չինուհին հավելել Է, որ երկար վարսեր ունենալն օգտակար Է առողջության համար, սակայն նա չի ճշտել, թե հատկապես ինչումն Է դրա օգտակարությունը: Դրա հետ մեկտեղ Գի Մենգը China Daily-ին գանգատվել Է, որ լվանալուց հետո իր հյուսքը միայն յոթ օրում Է չորանում:
Ավելի վաղ կինը հրաժարվել Էր իր մազերը 19 հազար յուանով գնելու առաջարկությունից, որովհետեւ ցանկանում Էր համաշխարհային ռեկորդ սահմանել: Ներկայում առաջին տեղը պատկանում Է մեկ ուրիշ չինուհու՝ Կսի Կուիպինգին, որը Գինեսի ռեկորդների գրքում Է հայտնվել 2004 թվականին: Նրա մազերի երկարությունը այն ժամանակ կազմում Էր 5,6 մետր:
2015 թվականի հոկտեմբերին հաղորդվել Է, որ Գինեսի ռեկորդների գրքում հայտնվել Է ամենաերկար եղունգներ ունեցող հնդիկը, որոնց ընդհանուր երկարությունը կազմում Է ավելի քան 9 մետր:
Բաժանորդագրվեք մեր ալիքին Telegram-ում