ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Hyundai Motor Co. հարավկորեական արտադրողը պլանավորում Է 2016 թվականին ներկայացնել Էլեկտրամոբիլի իր առաջին մոդելը: Այդ մասին, ինչպես տեղեկացնում Է «Արմենպրես»-ը, հոկտեմբերի 12-ին հաղորդել Է «Ռյոնհապ» լրատվական գործակալությունը՝ վկայակոչելով գործարար շրջանների աղբյուրներ:

Սկզբնապես ընկերության AE-ի կոմպակտ մոդելները՝ հեթչբեք տիպի թափքով, պետք հայտնվեին ընթացիկ տարվա վերջին, բայց ժամկետները տեղափոխվեցին գալիք տարվա մարտ, որպեսզի նոր մեքենաներն առաջին անգամ ցուցադրվեն Էլեկտրամոբիլների՝ Չուջուդո կղզում կայանալիք միջազգային ցուցահանդեսում:

Ստեղծելով իր ավտոմեքենան, որն ամբողջովին աշխատում Է Էլեկտրականությամբ, Hyundai Motor Co.-ն փորձում Է մրցակցել ճապոնական Toyota ընկերության հետ: Դրա հետ մեկտեղ Չուջուդոյի ցուցահանդեսում, ինչպես նշում Է «Ռյոնհապ»-ը, չինական BYD ընկերությունը պատրաստվում Է ներկայացնել իր Էլեկտրամոբիլը, որը մարտկոցի մեկ լիցքավորմամբ կարող Է անցնել 400 կիլոմետր, հաղորդել Է ՌԻԱ Նովոստին:

Լուսանկարը` AP