Անհայտ անձինք հարձակվել են Պոլսո Հայոց պատրիարքարանի վրա
16:00, 12 Հոկտեմբեր 2015
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Պոլսո Հայոց պատրիարքարանի վրա անհայտ անձինք քարերով հարձակում են իրականացրել: Ինչպես հաղորդում է «Արմենպրես»-ը, այս մասին տեղեկացնում է Ստամբուլի հայկական «Ակոս» պարբերականը:
Հարձակումն իրականացվել է շուրջ 20 հոգանոց խմբի կողմից հոկտեմբերի 10-ին, երեկոյան ժամերին: Հարձակումից անմիջապես հետո դեպքի վայր են ժամանել ոստիկանները:
Պոլսո Հայոց պատրիարքական փոխանորդ Արամ Աթեշյանն «Ակոս»-ի հետ զրույցում հայտնել է, որ դեռևս հայտնի չէ, թե ովքեր են եղել հարձակվողները և ինչ նպատակ են հետապնդել: Կատարվածի առնչությամբ հետաքննությունը շարունակվում է:
Բաժանորդագրվեք մեր ալիքին Telegram-ում