Ֆուտուրոլոգը մարդկանց ապագա աշխատանքային ակտիվություն Է խոստացել մինչեւ հարյուր տարեկան
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Բրիտանացի ֆուտուրոլոգ Ռոհիթ Թալվարը կանխատեսել Է, որ առաջիկա տարիներին ծնված երեխաները կկարողանան աշխատել մինչեւ հարյուր տարեկան: Կյանքի տեւողության եւ աշխատանքային ակտիվության աճը, փորձագետի կարծիքով, կապված Է բուժսպասարկման բարելավման, ինտերնետ-տեխնոլոգիաների զարգացման եւ ֆիզիկական ծանր աշխատանքով զբաղվելու անհրաժեշտության նվազման հետ, հաղորդում Է «Արմենպրես»-ը՝ հղում անելով The Guardian-ին:
Ֆուտուրոլոգը կոչ Է անում դպրոցների տնօրեններին՝ մտածել այն մասին, թե ինչպես իրենք կարող են փոխել դասավանդման համակարգը եւ իրենց աշակերտներին նախապատրաստել ապագային: Փորձագետի կարծիքով, փոփոխվող պայմանները կհանգեցնեն դպրոցական կրթության վերանայման անհրաժեշտության:
Հետազոտությունների արդյունքները վկայում են, որ բոլոր աշխատատեղերի 30-ից մինչեւ 80 տոկոսը, որոնք այսօր գոյություն ունեն, կանհետանան առաջիկա 10 կամ 20 տարում: Դա կապված Է ավտոմատացման աճի եւ ձեռքի աշխատանքից հրաժարվելու հետ:
Թալվարը Fast Future Research ընկերության գործադիր տնօրենն Է: Նա գործարարներին օգնում Է կանխատեսել իրենց ձեռնարկությունների զարգացումը հետագա 50-ամյա ժամանակաշրջանում:
2012 թվականի տվյալներով՝ Մեծ Բրիտանիայում կյանքի միջին տեւողությունը հասել Է 81,5 տարվա:
Բաժանորդագրվեք մեր ալիքին Telegram-ում