Հայաստանի ազգային հավաքականը ժամանել է Ֆրանսիա
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականը ժամանեց Ֆրանսիա: «Արմենպրես»-ի հաղորդմամբ` այս մասին տեղեկացնում է Հայաստանի ֆուտբոլի ֆեդերացիան:
Հավաքականը և ՀՖՖ ֆուտբոլային պատվիրակությունը կհանգրվանեն Նիս քաղաքի «Հայաթ Ռեջենսի» հյուրանցում: Հոկտեմբերի 7-ին՝ Երևանի ժամանակով 21:00-ին, Նիս քաղաքի «Ալյանս Ռիվյերա» մարզադաշտի մամուլի ասուլիսների սրահում տեղի կունենա Հայաստանի ազգային հավաքականի գլխավոր մարզչի ժամանակավոր պաշտոնակատար Սարգիս Հովսեփյանի նախախաղային մամուլի ասուլիսը: Նույն օրը՝ ժամը 21:30-ին, «Ալյանս Ռիվյերա» մարզադաշտում տեղի կունենա Հայաստանի ազգային հավաքականի նախախաղային մարզումը, որի առաջին 15 րոպեները բաց կլինեն միայն Մեդիայի հավատարմագրված ներկայացուցիչների համար:
Ֆրանսիա-Հայաստան ընկերական հանդիպումը տեղի կունենա հոկտեմբերի 8-ին՝ ժամը 22:45-ին, Նիս քաղաքի «Ալյանս Ռիվյերա» մարզադաշտում:
Բաժանորդագրվեք մեր ալիքին Telegram-ում