ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի նախագահ Հասան Ռոուհանին նոյեմբերի 16-ից մինչեւ 18-ը պաշտոնական այցով կգտնվի Փարիզում, տեղեկացնում Է «Արմենպրես»-ը՝ հղում անելով Tasnim գործակալությանը:

Սեպտեմբերին Ֆրանսիայի վարչապետ Մանուել Վալսը հայտարարել Էր, որ Ռոուհանին ընդունել Է երկիր այցելելու հրավերը: Միաժամանակ նա հայտնել Էր, որ Իրանի նախագահին կընդունի Ֆրանսիայի նախագահ Ֆրանսուա Օլանդը:

ՄԱԿ-ի Գլխավոր ասամբլեայի 70-րդ նստաշրջանի շրջանակներում Ռուհանին հայտարարել Էր, որ անհրաժեշտ Է գործողությունների ծրագիր ընդունել երկու երկրների միջեւ հարաբերությունների համակողմանի զարգացման համար: Նա հավելել Էր, որ «Իրանը պատրաստ Է Ֆրանսիայի հետ համագործակցել տրանսպորտի, գիտության եւ տեխնոլոգիաների ոլորտում, այդ թվում եւ խաղաղ ատոմի հատվածում»:

Նոյեմբերին պլանավորված Է նաեւ Ռոուհանիի այցն Իտալիա, ինչի մասին ավելի վաղ հայտնել Է Իտալիայի վարչապետ Մատեո Ռենցին, հաղորդել Է ՌԻԱ Նովոստին: