ԵԱՀԿ-ի գլխավոր քարտուղարը ՀԱՊԿ-ի հետ կքննարկի Եվրասիայի անվտանգությունը
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ԵԱՀԿ-ի գլխավոր քարտուղար Լամբերտո Զանիերը կայցելի Մոսկվա եւ կմասնակցի ՀԱՊԿ-ի մշտական խորհրդի նիստին՝ նվիրված Եվրասիայի անվտանգության ապահովման հարցերին: Այդ մասին, ինչպես տեղեկացնում Է «Արմենպրես»-ը, ասված Է ՀԱՊԿ-ի քարտուղարության հաջորդագրության մեջ:
Զանիերը մշտական խորհրդի ընդլայնված նիստում ելույթ կունենա հոկտեմբերի 12-ին:
«Կարծիքների փոխանակում կկայանա միջազգային անվտանգության հրատապ խնդիրների շուրջ: Մշտական խորհրդի նիստի մասնակիցների հետ Զանիերի հանդիպման ընթացքում կարծարծվեն մարտահրավերներին ու սպառնալիքներին հակազդելու ուղղությամբ կազմակերպությունների փոխգործակցության հարցերը»,-նշվում Է հաղորդագրության մեջ:
Բացի այդ, Զանիերը երկկողմ հանդիպում կանցկացնի ՀԱՊԿ-ի գլխավոր քարտուղար Նիկոլայ Բորդյուժայի հետ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում