ԵՐԵՎԱՆ, 5 ՀՈԿՏԵՄԲԵՐԻ, ԱՐՄԵՆՊՐԵՍ: 2015 թվականի համար ֆիզիոլոգիայի եւ բժշկության բնագավառում Նոբելյան մրցանակի են արժանացել ամերիկացի պարազիտաբան Ուիլյամ Քեմփբելը եւ ճապոնացի միկրոկենսաբան Սատոսի Օմուրան: Մրցանակի երկրորդ կեսը կստանա չինացի բժիշկ, ժողովրդական բժշկության գծով մասնագետ Յույու Տուն: Ինչպես տեղեկացնում Է «Արմենպրես»-ը, այդ մասին հաղորդագրությունը Երեւանի ժամանակով ժամը 13:30-ին հայտնվել Է մրցանակի կայքում:

Մրցանակը շնորհվել Է մալարիայի եւ մակաբույծ-որդերի դեմ պայքարի համար:

2015 թվականին մրցանակի Էր ներկայացվել 327 գիտնական, նրանցից 57-ն՝ առաջին անգամ:

2014 թվականին ֆիզիոլոգիայի եւ բժշկության բնագավառում Նոբելյան մրցանակն ստացել են նյարդաբաններ Ջոն Օ՛ Կիֆը, ինչպես նաեւ ամուսիններ Էդվարդ Մոզերը եւ Մեյ Բրիթ Մոզերը: Պարգեւը շնորհել են տարածության մեջ կողմնորոշման նյարդաֆիզիոլոգիական մեխանիզմների ուսումնասիրման համար