Ծանրորդ Սմբատ Մարգարյանը դարձել է Մ-23 տարեկանների Եվրոպայի փոխչեմպիոն
11:16, 4 Հոկտեմբեր 2015
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Ծանրամարտի Եվրոպայի Մ-23 տարեկանների առաջնությունում Հայաստանի ներկայացուցիչ Սմբատ Մարգարյանը դարձավ արծաթե մեդալակիր:
«Արմենպրես»-ի հաղորդմամբ, 56 կգ քաշային Մարգարյանը երկամարտում գրանցել է 241 կգ արդյունք (102+139) և զբաղեցրել 2-րդ տեղը: Պոկում վարժությունում Մարգարյանը 5-րդն էր, իսկ հրում վարժությունում նվաճեց փոքր ոսկե մեդալ:
Եվրոպայի Մ-20 տարեկանների առաջնությունում Հայաստանը ներկայացնում են Դավիթ Դավայանն ու Մարզպետ Մինասյանը (56 կգ), Ազատ Հակոբյանը (69 կգ), Նորայր Ավետիսյանը (85 կգ), Կարուշ Ղուկասյանն ու Սամվել Գասպարյանը (94 կգ): Մինչև 23 տարեկանների պայքարում մեր երկիրը ներկայացնելու են 56 կգ քաշային Սմբատ Մարգարյանն ու 94 կգ քաշային Միքայել Միքայելյանը:
Բաժանորդագրվեք մեր ալիքին Telegram-ում