Էդվարդ Նալբանդյանը և Ֆրանկոֆոնիայի գլխավոր քարտուղարը քննարկել են երևանյան համաժողովի նախապատրաստական աշխատանքները
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Փարիզում Հայաստանի արտաքին գործերի նախարար Էդվարդ Նալբանդյանը հոկտեմբերի 2-ին հանդիպել է Ֆրանկոֆոնիայի միջազգային կազմակերպության գլխավոր քարտուղար Միկայել Ժանին:
Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, Էդվարդ Նալբանդյանն ու Միկայել Ժանը մտքեր են փոխանակել Երևանում հոկտեմբերի 10-11-ը կայանալիք Ֆրանկոֆոնիայի միջազգային կազմակերպության նախարարական համաժողովի նախապատրաստական աշխատանքների, քննարկվելիք հարցերի և ընդունվելիք փաստաթղթերի վերաբերյալ։
Ողջունելով Հայաստանի արտգործնախարարին՝ ՖՄԿ գլխավոր քարտուղարը նշել է, որ անհամբերությամբ սպասում է Երևանում կայանալիք բավականին հագեցած ծրագրով և բովանդակությամբ նախարարական համաժողովի անցկացմանը։
Նախարար Նալբանդյանն ընդգծել է, որ Հայաստանի համար մեծ պատիվ է հյուրընկալելու նման հեղինակավոր ներկայացուցչական համաժողով, և հայկական կողմն անում է առավելագույնը՝ այն բարձր մակարդակով անցկացնելու համար։
Բաժանորդագրվեք մեր ալիքին Telegram-ում