Մասնագիտական կրթության որակի ապահովման ազգային կենտրոնը վերանայում է ռազմավարական ծրագիրը
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Մասնագիտական կրթության որակի ապահովման ազգային կենտրոնը սեպտեմբերի 4-ին քննարկել է կենտրոնի 2016-2020թթ. ռազմավարական ծրագրի հիմնական ուղղությունները: Ինչպես «Արմենպրես»-ին տեղեկացրեց ՈԱԱԿ-ի հասարակության հետ կապերի պատասխանատու Հայկուհի Բարսեղյանը, հանդիպումը վարել է կենտրոնի հոգաբարձուների խորհրդի նախագահ Վարուժան Ավետիքյանը:
Միջոցառման սկզբում ՈԱԱԿ տնօրեն Ռուբեն Թոփչյանը ներկաների ուշադրությունն է հրավիրել ներկա ռազմավարական ծրագրի հիմնական դրույթներին, ապա քննարկել անցած 5 տարիների ընթացքում հիմնադրամի առջև դրված նպատակների ու խնդիրների իրականացումը:
Քննարկմանն ադրադարձ է կատավել ռազմավարական ծրագրի իրականացման ընթացքում բացահայտված խնդիրներին, օրենսդրական բացերին, քննարկվել են դրանց լուծման հնարավոր տարբերակները:
Ռազմավարական ուղղությունները որոշելիս` ընդգծվել են հանրային վստահության ամրապնդմանն միտված քայլերը, ինչպես նաև ՈԱԱԿ դերակատարության մեծացման հնարավորությունը ՀՀ տարածքից դուրս:
ՈԱԱԿ տնօրեն Ռուբեն Թոփչյանը նշել է, որ հիմնադրամի դերակատարության մեծացումը տարածաշրջանում կբարձրացնի վստահությունը հայաստանյան բարձրագույն կրթական համակարգի նկատմամբ, ինչն էլ իր հերթին կնպաստի օտարերկրյա ուսանողների հոսքի աճին դեպի հայաստանյան բուհեր:
Առաջիկայում ՈԱԱԿ ռազմավարական ուղղությունները կքննարկվեն նաև արտաքին շահակիցների հետ, որից հետո համապատասխան աշխատանքային խմբեր կձևավորվեն` ռազմավարական ծրագիրն ամբողջացնելու համար:
Բաժանորդագրվեք մեր ալիքին Telegram-ում