ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: ՀՀ Մարդու իրավունքների պաշտպան Կարեն Անդրեասյանը Սահմանադրական փոփոխությունների նախագծի վերաբերյալ իր եզրակացությունը կներկայացնի առաջիկայում, քանի որ  օրեր առաջ է ստացել նախագիծը:

«Մասնագիտական եզրակացություն կներակայցվի այն գլուխների վերաբերյալ, որոնք առնչվում են մարդու իրավունքներին: Վերջնական եզրակացության մեջ կլինեն այն դրական և բացասական երևույթները, որոնք մենք կտեսնենք կամ կարձանագրենք»,- «Արմենպրես»-ի հաղորդմամբ` կառավարության նիստից հետո լրագրողների հետ զրույցում ասաց Կարեն Անդրեասյանը:

Հարցին, եթե շատ բացասական հոդվածներ ընդգրկված լինեն նախագծում, ինչ քայլերի է դիմելու` մարդու իրավունքների պաշտպաննասաց, որ ինքը, ոչ «այո»-ի, ոչ էլ «ոչ»-ի ճամբարներին չի միանալու, որովհետև իր խնդիրը քաղաքական գործընթացներից դուրս լինելն է: «Առաջիկա մեկ շաբաթվա ընթացքում կտանք այդ  հարցերի պատասխանը, ինչն ենք համարում հետընթաց, ինչն առաջընթաց: Ես անելիք չունեմ: Չեմ միանալու ոչ «ոչ»-ի, ոչ էլ «այո»-ի ճամբարին, որովհետև իմ խնդիրը քաղաքական գործընթացներից դուրս լինելն է այնքանով, որպեսզի ինստիտուտն անհարկի չքաղաքականացվի: Մենք ավելի շատ հետևելու ենք ընդահանուր քննարկումներին, հետո հանրաքվեի գործընթացին՝ պահպանելով ինստիտուտի չեզոքությունը»,- ասաց Օմբուդսմենը: