Հայաստանի ռուսական ռազմակայանի հետախույզները յուրացնում են հաճախաձիգ հրաձգության սկզբունքները
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Հայաստանի ռուսական ռազմակայանի հետախուզական ստորաբաժանումները յուրացնում են հաճախաձիգ հրաձգության սկզբունքները: Այդ մասին, ինչպես տեղեկացնում Է «Արմենպրես»-ը, օգոստոսի 5-ին հաղորդել Է ՌԴ Հարավային ռազմական օկրուգի մամուլի ծառայությունը:
«Հայաստանի ռուսական ռազմակայանի «Կամխուտ» բարձրլեռնային զորավարժարանում հետախուզական ստորաբաժանումների դաշտային ելքի ընթացքում անցկացվում Է հաճախաձիգ հրաձգության հատուկ դասընթաց: Կրակային պատրաստության հատուկ դասընթացներին մասնակցում են ավելի քան 300 զինծառայողներ»,- ասված Է հաղորդագրության մեջ:
Բացի հատուկ պարապմունքներից, հետախուզական ստորաբաժանումների զինծառայողները յուրացնում են մարտավարական, ինժեներական, բժշկական եւ լեռնային պատրաստության, ականային-պայթեցման գործի, ինչպես նաեւ շոգ կլիմայի պայմաններում լեռնային-ժայռոտ տեղանքում Էքստրեմալ վարման հմտությունները:
Բաժանորդագրվեք մեր ալիքին Telegram-ում