Պուերտո-Ռիկոն կանգնած է դեֆոլտի շեմին
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Պուրետո-Ռիկոն օգոստոսի 1-2-ին չի կարողացել վճարել 58 միլիոն դոլարի հասնող պարտքը, ինչի արդյունքում կղզին կարող է կանգնել դեֆոլտի շեմին: Ինչպես հաղորդում է «Արմենպրես»-ը՝ վկայակոչելով Financial Times-ը, հուլիսի 31-ին երկրի պետական զարգացման բանկը վճարել է պարտքի մի մասը 169 միլիոն դոլար, սակայն օգոստոսի 1-ին նրանք պետք է վճարեին եւս 58 միլիոն դոլար, ինչը չեն կատարել:
Վերլուծական կենտրոնները չեն բացառում, որ եթե մինչեւ օգոստոսի 3-ը ներառյալ կղզին չկարողանա գումար հայթայթել պարտքերը մարելու համար, նրան սպառնում է դեֆոլտ: The Huffington Post պարբերականին տեղական իշխանությունների ներկայացուցիչներն ասել են, որ կառավարությունն ունի գումար մինչեւ նոյեմբեր աշխատելու համար:
Հունիսին կղզու նահանգապետ Ալեխանդրո Գարսիա Պադիլյան հայտարարել էր, որ երկրի արտաքին պարտքը կազմում է 72 միլիարդ դոլար: Ըստ տնտեսգետները կղզին պետք է 40 միլիարդով կրճատի իր ծախսերը եւ քայլեր ձեռնարկի տնտեսական ճգնաժամից դուրս գալու համար:
Բաժանորդագրվեք մեր ալիքին Telegram-ում