Արմեն Աշոտյանը վրացի իր գործընկերոջ հետ քննարկել է վիրահայերի կրթության հետ կապված հարցեր
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: ՀՀ ԿԳ նախարար Արմեն Աշոտյանը Վրաստան կատարած այցի շրջանակներում վրացի իր գործընկերոջ հետ քննարկել է կրթական ոլորտում երկու երկրների միջև համագործակցությանն առնչվող հարցեր: «Արմենպրես»-ի հաղորդմամբ` այս մասին ֆեյսբուքյան իր էջում հայտնում է ՀՀ ԿԳ նախարար Արմեն Աշոտյանը:
«Վրաստան կատարած անձնական այցը բավականին արդյունավետ էր։
Բացի Ջավախքում ունեցած հանդիպումներից և միջոցառումներից, Թբիլիսիում շատ օգտակար ոչ ֆորմալ քննարկումներ ունեցա Վրաստանի իմ գործընկերոջ հետ հայ-վրացական համագործակցության մասին և մեր հայրենակիցների կրթական հիմնախնդիրների շուրջ։
Հույս ունեմ, որ մոտ ապագայում վիրահայության մի շարք կրթական հարցեր կկարգավորվեն, իսկ մեր երկու երկրների միջև կիրականացվեն կրթական նոր նախագծեր»,-ասված է նախարարի գրառման մեջ:
Բաժանորդագրվեք մեր ալիքին Telegram-ում