Հայաստանը 3x3 բասկետբոլի առաջնությունում դուրս եկավ քառորդ եզրափակիչ
14:16, 2 Օգոստոս 2015
ԵՐԵՎԱՆ, ՕԳՈՍՏՈՍԻ, ԱՐՄԵՆՊՐԵՍ: Լատվիայի մայրաքաղաք Ռիգայում շարունակվում են մինչեւ 18 տարեկանների Եվրոպայի առաջնության ընտրական փուլի հանդիպումները:
Ա ենթախմբում ընդգրկված Հայաստանը 5 հավաքականների հետ պայքարում գրավեց 4-րդ տեղը եւ դուրս եկավ քառորդ եզրափակիչ, որտեղ մրցելու է Հունգարիայի հետ: Հանդիպումը կկայանա օգոստոսի 2-ին: Ա ենթախմբում Հայաստանն անցկացրեց հետեւյալ 4 հանդիպումները՝ Հայաստան-Դանիա՝ 11:16, Հայաստան-Ռումինիա՝ 18:14, Հայաստան-Իսրայել՝ 8:21, Հայաստան-Ֆրանսիա՝ 8:14: «Արմենպրես»-ի հաղորդմամբ` այս մասին տեղեկացնում է Հայաստանի բասկետբոլի ֆեդերացիան:
Բաժանորդագրվեք մեր ալիքին Telegram-ում