Եմենում ականի պայթյունից 10 մարդ է զոհվել
13:54, 2 Օգոստոս 2015
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Եմենի մայրաքաղաք Ադենում ականների պայթյունից 10 մարդ է զոհվել: «Արմենպրես»-ի հաղորդմամբ` ինչպես տեղեկացնում է ՏԱՍՍ-ը, Sky News Arabia հեռուստաընկերության տվյալներով, տասը մարդ` այդ թվում հինգ խաղաղ բնակիչ է զոհվել ականների պայթյունից, որոնք Ադենի հյուսիսային շրջաններում տեղադրվել են շիական «Անսար Ալլահ» խմբավորման անդամները: Ադենի բժիշկների հաղորդմամբ` այդ նույն ժամանակահատվածում ականների պայթյունից վիրավորվել է ավելի քան ութսուն եմենցի: Ըստ բժիշկների` նրանցից մի քանիսի վիճակը ծայրահեղ ծանր է:
Բաժանորդագրվեք մեր ալիքին Telegram-ում