Սաուդյան Արաբիայի արքայազնը 300 հազար դոլար Է հատկացրել Թբիլիսիում տուժածներին
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Սաուդյան Արաբիայի Ալ Վալիդ բին Թալյալ բին Աբդուլազիզ ալ Սաուդ արքայազնը 300 հազար դոլար Է հատկացրել Թբիլիսիում ավերիչ ջրհեղեղի հետեւանքով տուժածներին օգնություն ցուցաբերելու համար: Այդ մասին, ինչպես տեղեկացնում Է «Արմենպրես»-ը, հուլիսի 3-ին հաղորդել Է Վրաստանի ԱԳ նախարարության մամուլի ծառայությունը:
Լույս հունիսի 14-ի գիշերը տեղատարափ անձրեւների եւ սողանքային գործընթացների հետեւանքով Թբիլիսիում հեղեղվել Էին Վերե գետի կիրճում գտնվող օբյեկտներ՝ բնակելի շենքեր, փողոցներ, կենդանաբանական այգին, «Մզիուրի» զբոսայգին, շների մասնավոր ապաստարանը: Նաեւ վնասվել Էր ենթակառուցվածքը: Ըստ վերջին տվյալների, զոհվել Է 19 մարդ, երեք հոգի անհայտ կորած Է համարվում:
«Ծանր ժամանակներում բարեկամները միշտ Էլ կողքին են լինում: Alwaleed Philanthropies հիմնադրամը առաջիններից մեկն Էր, որ օգնության ձեռք մեկնեց ջրհեղեղից տուժածներին»,-Վրաստանի վարչապետ Իրակլի Ղարիբաշվիլիին արքայազնի հասցեագրած նամակից մեջբերում Է արել Sputnik գործակալությունը:
Արքայազնը վստահություն Է հայտնել, որ հիմնադրամը կարող Է զգալի ավանդ ներդնել տարերային աղետների հետեւանքների վերացման գործում: Սաուդյան Արաբիայի արքայազնը պաշտոնական այցով Վրաստանում Է գտնվել հունիսի 10-ին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում