Շարժայում կայացել է Օհանեսյան վարժարանի տարեվերջյան միջոցառումը
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Արաբական Միացյալ Էմիրությունների և Կատարի կաթողիկոսական փոխանորդ Տ. Մեսրոպ Վրդ. Սարգսյանի նախագահությամբ Շարժայի Ս. Գրիգոր Լուսավորիչ եկեղեցու համալիրի «Պիեր Քեոսյան» սրահում տեղի է ունեցել Դուբայի և Հյուսիսային էմիրությունների Օհանեսյան ազգային շաբաթական մեկօրյա վարժարանի տարեվերջյան միջոցառումը և վկայականների բաշխումը: Այս մասին «Արմենպրես»-ը տեղեկացավ Դուբայի և Հյուսիսային Էմիրությունների ազգային վարչության էջից:
Միջոցառման ընթացքում ներկայացվել է վարժարանի աշխատանքային գործունեությունը, ապա աշակերտները հանդես են եկել երգ ու պարով, ասմունքով:
Փակման խոսքով հանդես է եկել թեմի կաթողիկոսական փոխանորդ Հայր Սուրբն` անդրադառնալով միօրյա վարժարանի կարևորությանը: Նա կոչ է արել ծնողներին մնայուն կերպով քաջալերել իրենց զավականերին հայեցի դաստիարակության, հայոց լեզվի ու պատմության կարևորության հարցում:
Նա բարձր է գնահատել Օհանեսյան մեկօրյա ազգային վարժարանի բարերար Հարութ Օհանեսյանին՝ իր ծավալած գործունեության համար:
Բաժանորդագրվեք մեր ալիքին Telegram-ում