ՀԱԷԿ-ը հերքում է ատոմակայանից հոսանքի «լևի» գծի մասին լուրերը
17:34, 29 Հունիս 2015
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: «Հայակական ատոմային էլեկտրակայան» ՓԲԸ տնօրինությունը պաշտոնապես հերքում է ատոմակայանից «լևի» հոսանքի գծի անցկացման մասին մամուլում շրջանառվող տեղեկությունը: Այս մասին «Արմենպրես»-ին տեղեկացրին ՀԱԷԿ-ից: «Մամուլում շրջանառվում է տեղեկատվություն, թե իբր ատոմակայանից «լևի» հոսանքի գիծ կա անցկացված և գեներալների օբյեկտներն են սնուցում: Եվ դրա մասին տեղյակ են այդ համակարգի բոլոր աշխատողները: «Հայակական ատոմային էլեկտրակայան» ՓԲԸ տնօրինությունը պաշտոնապես տեղեկացնում է, որ ՀԱԷԿ-ից որևէ մեկին, այդ թվում՝ նաև գեներալներին տրվող որևէ հոսանքի գիծ չկա»,-մասնավորապես նշվում է ընկերության տարածած հաղորդագրությունում:
Բաժանորդագրվեք մեր ալիքին Telegram-ում