ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Եվրամիությունը հարգում Է «Արեւելյան գործընկերության» մասնակից այն երկրների ընտրությունը, որոնք չեն պլանավորում ասոցացման համաձայնագրեր ստորագրել ԵՄ-ի հետ: Այդ մասին, ինչպես տեղեկացնում Է «Արմենպրես»-ը, հունիսի 29-ին Մինսկում հայտարարել Է ԵՄ-ի հարեւանության եվրոպական քաղաքականության եւ ընդլայնման հարցերի շուրջ բանակցությունների գծով եվրահանձնակատար Յոհաննես Հանը:

«Եվրամիությունը հարգում Է նրանց ընտրությունը, ովքեր չեն պատրասվում ամբողջութամբ ասոցացվել, տնտեսապես ինտեգրվել ԵՄ-ին, համաձայնագիր ստորագրել ասոցացման մասին»,-ասել Է Հանը՝ ելույթ ունենալով «Արեւելյան գործընկերության» ոչ պաշտոնական նախարարական հանդիպմանը:

Դրա հետ մեկտեղ նա վստահություն Է հայտնել, որ ԵՄ-ի այդ նախաձեռնության բոլոր մասնակիցները շահագրգռված են Եվրամիության հետ հարաբերությունների բարելավմամբ եւ կատարելու են իրենց պարտավորությունները:

«Արեւելյան գործընկերություն» ծրագիրը նախատեսում Է Եվրամիության քաղաքական ասոցացումն ու տնտեսական ինտեգրացումը Հայաստանի, Ադրբեջանի, Բելառուսի, Վրաստանի, Մոլդովայի եւ Ուկրաինայի հետ: Վերջին երեք երկրներն անցյալ տարի համաձայնագրեր են ստորագրել ԵՄ-ի հետ ասոցացված գործընկերության մասին:

«Արեւելյան գործընկերության» հիմնադիր գագաթնաժողովը 2009 թվականի մայիսի 8-ին կայացել Է Պրահայում, հաղորդել Է ՌԻԱ Նովոստին:

Լուսանկարը AP