Ֆինանսների նախարարությունը տեղաբաշխել է 500 մլն դրամի պետական պարտատոմս
09:43, 26 Մայիս 2015
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Ֆինանսների նախարարությունն անցկացրել է 13 շաբաթ մարման ժամկետով պետական (գանձապետական) կարճաժամկետ AMGT13248156 թողարկման պարտատոմսերի տեղաբաշխման աճուրդ: Ինչպես «Արմենպրես»-ին տեղկացրին ՀՀ ֆինանսների նախարարության տեղեկատվության և հասարակայնության հետ կապերի բաժնից, տեղաբաշխման ենթակա պարտատոմսերի ծավալը կազմել է 500 մլն դրամ, իսկ պահանջարկը՝ 1 մլրդ դրամ, որից մրցակցային` 980 մլն դրամ, իսկ ոչ մրցակցային՝ 20 մլն դրամ:
Պարտատոմսերի տեղաբաշխումից ստացված հասույթը կազմել է 484 մլն 757 հազար 705 դրամ: Տեղաբաշխման միջին կշռված եկամտաբերությունը 12.4390 տոկոս է, տեղաբաշխման սահմանային եկամտաբերությունը` 12.4400 տոկոս: Աճուրդին մասնակցել է 3 գործակալ:
Բաժանորդագրվեք մեր ալիքին Telegram-ում