Կառավարությունն օժանդակում է Նոր Հալեպ թաղամասի կառուցմանը
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Նոր Հալեպ թաղամասը կառուցում են սիրիահայերը, իսկ պետությունն օգնել է նրանց այս կամ այն հարցը լուծելու համար: Այդ մասին լրագրողների հետ զրույցում նշեց ՀՀ սփյուռքի նախարար Հրանուշ Հակոբյանը: «Սիրիահայերը խնդրել են հողամաս, որի հարցը լուծվել է, խնդրել են ճարտարապետական-գծագրական աշխատանքներ կատարել, այդ հարցերին ևս լուծումներ են տրվել: Բոլոր գումարները կուտակվում է սիրիահայերի հաշվեհամարի վրա: Իրենք են որոշելու, երբ գումար ունենան՝ թաղամասը կկառուցեն: Կառավարությունն իր քայլերն իրականացրել է, մյուս հարցերն իրենց որոշելիքն է»,- «Արմենպրես»-ի փոխանցմամբ՝ նշեց Հրանուշ Հակոբյանը:
Նոր Հալեպ թաղամասի գաղափարը և տեղի ընտրությունը կատարվել է սիրիահայերի կողմից: 600-ից ավելի սիրիահայ ընտանիք ցանկություն են հայտնել բնակարան ունենալ հենց այդ թաղամասում: ՀՀ Նախագահի հանձնարարությամբ լուծվել են հողատարածքի անվճար հատկացման, ինչպես նաև նախագծային աշխատանքների հարցերը: Բնակարանները սիրիահայերին առավել մատչելի դարձնելու նպատակով անցկացվել էր հանգանակություն:
Բաժանորդագրվեք մեր ալիքին Telegram-ում