Բելառուսի ըմբշամարտի հավաքականի գլխավոր մարզիչը հիացած է Ծաղկաձորով
ԾԱՂԿԱՁՈՐ, 22 ՄԱՅԻՍԻ, ԱՐՄԵՆՊՐԵՍ: Բելառուսի ըմբշամարտի հավաքականի գլխավոր մարզիչ Իգոր Պետրենկոն հիացած է Ծաղկաձորի մարզական բազաներով: «Մենք կտրել-անցել ենք 3000 կիլոմետր և հիացած են Ծաղկաձորով: Այստեղի լեռները, մաքուր օդը շատ լավն են: Հավաքի ընթացքում շեշտը դնում ենք ֆիզիկական պատրաստության վրա: Սա առաջին անգամն է, որ Հայաստանի հավաքականի հետ հավաք ենք անցկացնում: Ես իսկապես հիացած եմ Ծաղկաձորով»,-«Արմենպրես»-ի հաղորդմամբ՝ լրագրողների հետ զրույցում ասաց Պետրենկոն:
Վերջինս լիահույս է, որ թեպետ սա առաջին հավաքն է, բայց վերջինը չի լինի: Հաջորդ հավաքը բելառուսները նախատեսնում են անցկացնել դեկտեմբերին:
Ծաղկաձորում այս օրերին ընթացքող ուսումնամարզական հավաքին մասնակցում են մոտ 90 ըմբիշներ Հունաստանից, Բելառուսից, Շվեյցարիայից, Հունգարիայից և Լիտվայից:
Բաժանորդագրվեք մեր ալիքին Telegram-ում