ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Իսրայելի՝ Երուսաղեմում գտնվող թանգարանում ցուցադրել են աշխարհի ամենափոքր Աստվածաշունչը: 0,04 քառակուսի միլիմետր x 20 նանոմետր չափը զուգադրելի Է ասեղի անցքի հետ: Այս մասին, ինչպես տեղեկացնում Է «Արմենպրես»-ը, հաղորդել Է BBC News-ը:    

Աստվածաշունչը, որը փորագրված Է ոսկեզօծ սիլիցիումի միկրոսխեմայի վրա, պատրաստված Է իոնների ուղղորդված փնջի կիրառմամբ, որը ոսկու շերտի վրա գալիումի հետքեր Է թողնում: Ընդամենը գիրքը բովանդակում Է 1,2 միլիոն խորհրդանիշ՝ գրված եբրայերենով: Նշվում Է, որ հրատարակությունը պատրաստվել Է թանգարանի 50-ամյակի առթիվ:   

Հոբելյանական ցուցադրանքի շրջանակներում այցելուներին կթույլատրեն մանրադիտակի միջոցով կարդալ Աստվածաշունչը, ինչպես նաեւ կցուցադրեն վավերագրական ֆիլմ գրքի ստեղծման մասին:

Լուսանկարը` technion.ac.il