ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ղազախստանում ակտիվորեն ընթանում է քվեարկությունը երկրի նախագահի արտահերթ ընտրություններում: Ինչպես տեղեկացնում է «Արմենպրես»-ը` վկայակոչելով ՏԱՍՍ գործակալությունը, այս պահին քվեարկել է ընտրողների 41,69 տոկոսը. չորս շրջաններում ընտրողների մասնակցությունը հատել է 50 տոկոս նիշը: 

Կենտրոնական ընտրական հանձնաժողովից տեղեկացնում են, որ այս պահի դրությամբ որեւիցե խախտում չի արձանագրվել: Իրենց ընտրատեղամասերում արդեն քվեարկել են բոլոր երեք թեկնածուները` գործող նախագահ Նուրսուլթան Նազարբաեւը, Ղազախստանի կոմունիստական կուսակցության առաջնորդ Տուրգուն Սիզդիկովը եւ ինքնառաջադրված, երկրի արհմիությունների համադաշնության ղեկավար Աբելգազի Կուսաինովը: 

Քվեարկությունը կավարտվի ժամը 20:00-ին: Ընտրողների ցուցակներում գրանցված է ավելի քան 9,7 մլն քաղաքացի: