Կանզասի փոխնահանգապետը տարիներ անց ուրախ է տեսնել վերածնվող Գյումրին
ԳՅՈՒՄՐԻ, 25 ԱՊՐԻԼԻ, ԱՐՄԵՆՊՐԵՍ : Երկարատև ընդմիջումից հետո ապրիլի 25-ին Գյումրու քաղաքապետ Սամվել Բալասանյանն ընդունել է ԱՄՆ Կանզաս նահանգի փոխնահանգապետ Ջեֆրի Քոլյերին, ով 1988թ.-ին իր ակտիվ մասնակցությունն է ունեցել աղետից տուժածներին՝ առաջին օգնություն ցուցաբերելով որպես բժիշկ:
«Արմենպրես»-ի հաղորդմամբ՝ Ջեֆրի Քոլյերն իր խոսքում նախ շնորհակալություն հայտնեց քաղաքապետին՝ ջերմ ընդունելության համար՝ միաժամանակ փոխանցելով իր տպավորությունները ու հիշողությունները հետաղետյան քաղաքից: Հյուրը քաղաքապետին ներկայացրեց այդ տարիների լուսանկարների սեփական արխիվը՝ նշելով« որ իր համար մեծ նշանակություն ունի այսօր Գյումրիում գտնվելը՝ տարիներ անց տեսնելով վերածնվող քաղաքը:
Քաղաքապետ Սամվել Բալասանյանը բարձր գնահատեց երկրաշարժից հետո Ջեֆրի Քոլյերի ցուցաբերած օգնությունը աղետի գոտու բնակիչներին՝ հայտնելով Գյումրիի և ԱՄՆ-ի քաղաքների հետ գործնական սերտ հարաբերությունների ստեղծման պատրաստակամությունը:
Իր հերթին Կանզաս նահանգի փոխնահանգապետը նշեց, որ հնարավոր է համարում տարբեր բնագավառներում փոխհամագործակցության եզրեր:
Արմենուհի Մխոյան
Բաժանորդագրվեք մեր ալիքին Telegram-ում