Տոկիոյի զբոսայգու մանկական հրապարակում բարձր ճառագայթում են հայտնաբերել
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ճապոնիայի իշխանությունները ճառագայթման անսովոր բարձր մակարդակ են գրանցել Տոկիոյի զբոսայգու մանկական հրապարակի մոտ, հաղորդում Է «Արմենպրես»-ը՝ հղում անելով տեղական լրատվամիջոցներին:
Ներկայում զբոսայգին, որը գտնվում Է Տոսիմայի հատուկ շրջանում, շրջապատված Է:
Նշված վայրում ճառագայթման մակարդակը գրանցվել Է 480 միկրոզիվերտ, ինչը հավասար Է մարդու համար ճառագայթման տարեկան առավելագույն թույլատրելի դոզայի գրեթե կեսին:
Իշխանությունները ենթադրում են, որ ճառագայթումը կարող Է տարածվել գետնի տակից, որտեղ կարող Է ինչ-որ ճառագայթաակտիվ առարկա թաղված լինել:
Տոսիմայի քաղաքագլուխ Յուկիո Տականոն հայտարարել Է, որ բնակչության համար վտանգը նվազագույն Է, բայց քաղաքացիներին հանգստացնելու համար զբոսայգին կմաքրեն:
Լուսանկարը` REUTERS
Բաժանորդագրվեք մեր ալիքին Telegram-ում