Հայաստանի հավաքականը հաղթեց Ուկրաինային. Շախմատի ԱԱ
22:19, 20 Ապրիլ 2015
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Շախմատի աշխարհի թիմային առաջնության 2-րդ տուրում Հայաստանի հավաքականը հաղթեց առաջնության ֆավորիտներից մեկին` Ուկրաինայի հավաքականին՝ 2,5-1,5:
Հայաստանի հավաքականի առաջատար Լևոն Արոնյանը սպիտակ խաղաքարերով առավելության հասավ Ռուսլան Պոնոմարյովի նկատմամբ: Հրանտ Մելքումանն, ով առաջին տուրից հետո փոխարինել էր Վլադիմիր Հակոբյանին ոչ-ոքի խաղաց Ալեքսանդր Մոսենկոյի նկատմամբ: Ամենավերջինն իր պարտիան ավարտեց Սերգեյ Մովսիսյանն, ով սպիտակներով կրկին կիսեց միավորը Պավել Էլջանովին հետ: Ավելի վաղ իր պարտիան Վասիլի Իվանչուկի հետ ոչ-ոքի խաղաց Գաբրիել Սարգսյանը: «Արմենպրես»-ի հաղորդմամբ, հաջորդ տուրում Հայաստանի հավաքականը կխաղա Կուբայի հավաքականի հետ:
Բաժանորդագրվեք մեր ալիքին Telegram-ում