ԼՂՀ վարչապետը ցավակցական հեռագիր է հղել Հովիկ Աբրահամյանին
22:13, 20 Ապրիլ 2015
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ԼՂՀ վարչապետ Արայիկ Հարությունյանը ցավակցական հեռագիր է հղել ՀՀ վարչապետ Հովիկ Աբրահամյանին` նրա հոր մահվան կապակցությամբ: Ինչպես «Արմենպրես»-ին տեղեկացրին ԼՂՀ կառավարության աշխատակազմի տեղեկատվության և հասարակայնության հետ կապերի բաժնից, հեռագրում, մասնավորապես, ասված է.
«Հարգարժա՛ն Հովիկ Արգամի,
Խորը ցավով տեղեկացա Ձեր սիրելի հոր՝ Արգամ Աբրահամյանի մահվան մասին: ԼՂՀ կառավարության և անձամբ իմ անունից խորապես ցավակցում եմ Ձեզ՝ այդ ծանր կորստի համար: Դժվարին այս պահին կիսում ենք Ձեր մեծ վիշտը և մեր զորակցությունը հայտնում Ձեզ, Աբրահամյանների ընտանիքին և բոլոր հարազատներին»:
Բաժանորդագրվեք մեր ալիքին Telegram-ում