ԱՊՀ-ի տարածաշրջանների առաջին համաժողովը կարող Է անցկացվել 2016 թվականին Պետերբուրգում
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ԱՊՀ-ի տարածաշրջանների առաջին համաժողովը պլանավորվում Է անցկացնել 2016 թվականի երրորդ եռամսյակում Պետերբուրգում: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, հայտարարել Է Դաշնության խորհրդի խոսնակ, ԱՊՀ-ի միջխորհրդարանական վեհաժողովի խորհրդի նախագահ Վալենտինիա Մատվիենկոն՝ ելույթ ունենալով համաժողովի կազմկոմիտեի առաջին նիստում: Ենթադրվում Է, որ լիագումար նիստը, ինչպես նաեւ թեմատիկ ցուցահանդեսները եւ երկխոսության հարթակները կկազմակերպվեն Տավրիկյան պալատում:
Մատվիենկոն նշել Է, որ առաջին անգամ առաջարկվում Է, որ համաժողովին մասնակցեն բոլոր տարածաշրջանների ղեկավարները: Խորհրդակցության մասնակիցները կքննարկեն ոչ միայն տնտեսական համագործակցությունը, այլեւ փոխգործակցությունը կրթության, մշակույթի ոլորտում:
«Նման համաժողովը կամրապնդի (ՌԴ-ի) հարաբերությունները Համագործակացության երկրների հետ»,- նշել Է Մատվիենկոն: Նա ընդգծել Է, որ Ռուսաստանի եւ ԱՊՀ-ի մի շարք երկրների միջեւ միջտարածաշրջանային համագործակցությանը բաժին Է ընկնում փոխադարձ ապրանքաշրջանառության մինչեւ 70 – 80 տոկոսը:
Սենատորի խոսքով՝ սուբյեկտների ներկայացուցիչները կքննարկեն համագործակցության փորձը, օրենսդրական ասպեկտներ, ինչպես նաեւ այն խնդիրները, որոնք խանգարում են միջտարածաշրջանային փոխգործակցությանը: Նա հիշեցրել Է, որ համաժողովի անցկացման գաղափարը պաշտպանել են Համագործակցության անդամ պետությունների ղեկավարները:
Ենթադրվում Է, որ համաժողովի շրջանակներում, որը կշարունակվի երկու օր, տեղի կունենա տարածաշրջանների շնորհանդես, խորհրդակցության մասնակիցները կքննարկեն համատեղ ներդրումային ծրագրեր, տեղի կունենա լիագումար նիստ:
Բաժանորդագրվեք մեր ալիքին Telegram-ում