Գեղարքունիքում քամին նավակը հեռացրել է ափից. փրկարարները որոնում են ձկնորսին
12:18, 20 Ապրիլ 2015
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում ապրիլի 20-ին՝ ժամը 09.19-ին, մի քաղաքացուց ահազանգ է ստացվել, որ ուժեղ քամին նավակը հեռացրել է Գեղարքունիքի մարզի Ծովազարդ գյուղի մոտակա լճափից. անհրաժեշտ է օգնություն: Դեպքի վայր է մեկնել հատուկ ջրափրկարարական ջոկատից մեկ մարտական հաշվարկ:
Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, ժամը 11.05-ին Դրախտիկ-Ծովագյուղ հատվածում` ափից մոտ 5 կմ հեռավորության վրա, հայտաբերվել է Ա. Մ.-ին պատկանող ռետինե մեկտեղանոց նավակը. քաղաքացին չի հայտնաբերվել:
Ձկնորսի հավանական խեղդվելու վայրում ջրասուզակներն իրականացնում են որոնողական աշխատանքներ:
Բաժանորդագրվեք մեր ալիքին Telegram-ում