ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Ծաղկաձորում այսօր կմեկնարկի շախմատի աշխարհի թիմային առաջնությունը: Առաջնությանը մասնակցում են 10 թիմեր` Հայաստան` Լեւոն Արոնյան, Գաբրիել Սարգսյան, Սերգեյ Մովսիսյան, Վլադիմիր Հակոբյան, Հրանտ Մելքումյան; Ռուսաստան` Ալեքսանդր Գրիշչուկ, Սերգեյ Կարյակին, Եվգենի Տոմաշեւսկի, Դմիտրի Յակովենկո, Նիկիտա Վիտյուգով; Ուկրաինա` Վասիլի Իվանչուկ, Ռուսլան Պոնոմարյով, Պավել Էլյանով, Ալեքսանդր Մոիսենկո, Յուրի Կրիվորուչկո; Չինաստան` Բու Սյանջի, Դին Լիժեն, Յույ Յանյի, Վեյ Ի, Վան Չեն; Կուբա` Լենյեր Դոմինգես, Լասարո Բրուսոն, Կեսադա Պերես Յունեսկի, Իսան Ռեյնալդո Օրտիս, Յուրի Գոնսալես Վիդալ; Հունգարիա` Պետեր Լեկո, Չաբա Բալոգ, Վիկտոր Էրդոս, Զոլթան Ալմաշի, Ռիչարդ Ռապոտ; ԱՄՆ` Սեմ Շենկլենդ, Ալեքսանդր Օնիշչուկ, Դենիել Նարոդիցկի, Վարուժան Հակոբյան, Ալեքսանդր Լենդերման; Հնդկաստան` Սետուրաման, Պենտալա Հարիկրիշնա, Վիդիտ Գուջարատի, Կրիշնան Սասիկիրան, Դիպ Սենգուտպա; Եգիպտոս` Բասեմ Ամին, Ահմեդ Ադլի, Սեմի Շոկեր, Էլշերիֆ Մոհամեդ, Ալի Ֆարհատ; Իսրայել` Բորիս Գելֆանդ, Մաքսիմ Ռոդշտեյն,  Իլյա Սմիրին, Էմիլ Սուտովսկի, Էվգենի Պոստնի:

«Արմենպրես»-ի հաղորդմամբ, առաջնության ընթացքում հաղթանակի դեպքում թիմը կստանա 2 միավոր, իսկ ոչ-ոքիի դեպքում կստանա մեկ միավոր: Հայաստանի շախմատի ֆեդերացիայի հովանու ներքո կազմակերպվող առաջնության բացման պաշտոնական արարողությունը կկայանա երեկոյան ժամը 19:00-ին: