Լոս Անջելեսում հոսպիտալացվել Է կանադացի լեգենդար երգչուհի Ջոնի Միտչելը
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Արդի փոպ երաժշտության լեգենդներից մեկին՝ կանադացի երգչուհի եւ կոմպոզիտոր Ջոնի Միտչելին, մարտի 31-ին տեղափոխել են Լոս Անջելեսի հիվանդանոցներից մեկը: Այս մասին, ինչպես տեղեկացնում Է «Արմենպրես»-ը, հաղորդել Է Hollywood Reporter շաբաթահանդեսը:
Հրատարակության տվյալներով՝ 71-ամյա երգչուհին իր տանը կորցրել Է գիտակցությունը: «Նա անհապաղ հոսպիտալացվել Է ինտենսիվ թերապիայի բաժանմունքում»,- ընդգծել Է շաբաթահանդեսը: Բժիշկներն առայժմ հրաժարվում են նրա առողջական վիճակի մասին որեւիցե տեղեկատվություն տրամադրելուց:
«Գրեմմի»-ի ութակի դափնեկիր Ջոնի Միտչելը համարվում Է ֆոլկ-ռոքի եւ ֆոլկ-ջազի դասական: Նրա փառքի բարձրակետը բաժին Է ընկել անցյալ դարի 70-ական թվականներին: Մասնագետները նշում են, որ նա ուժեղ ազդեցություն Է թողել արդի շատ երաժիշտների եւ կատարողների ստեղծագործության վրա, հաղորդել Է ՏԱՍՍ-ը:
Լուսանկարը` AP-ի
Բաժանորդագրվեք մեր ալիքին Telegram-ում