Թաեքվոնդոյիստ Արման Երեմյանը դարձել է Եվրոպայի փոխչեմպիոն
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Ընթացիկ մրցաշրջանում Հայաստանի մարզիկներից առաջինը թաեքվոնդոյիստ Արման Երեմյանը դարձավ Եվրոպայի առաջնության մեդալակիր: Նալչիկում անցկացված թաեքվոնդոյի հին աշխարհամասի առաջնությունում 80 կգ քաշայինների պայքարում մարզաձևի մեր առաջատարը հաջորդաբար հաղթեց նորվեգացի բարձրահասակ Ռիչարդ Օդերմանին (8:2 հաշվով), ռուսաստանցիներ Լոմ Ալիին (5:2), Սաիդ Ուստաևին (2:2) և մտավ եզրափակիչ: Կանոնակարգի համաձայն Արմանը ներկայացավ մրցագորգ , մի քանի վայրկյան աշխատեց , ապա համապատասխան ժեստով հրաժարվեց շարունակել մենամարտը: Բանն այն է, որ դեռևս երկրորդ մենամարտում նա վնասել էր ծունկը, որն այտուցվել և ուժեղ ցավ էր պատճառում մարզիկին:
«Արմենպրես»-ի հաղորդմամբ, այս մասին տեղեկացնում է ՀԱՕԿ լրատվության բաժինը:
Մայիսի 12-ին Երեմյանը կմասնակցի Չելյաբինսկում մեկնարկելիք աշխարհի առաջնությանը, որտեղ կխաղարկվեն օլիմպիական խաղերի ուղեգրերը ու աժեքավոր վարկանիշային բարձր միավորները:
Բաժանորդագրվեք մեր ալիքին Telegram-ում