Հայ բռնցքամարտիկներն իրենց ուժերը կփորձեն նաև Անապայի միջազգային մրցաշարում
13:49, 30 Մարտ 2015
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Բռնցքամարտի միջազգային ռինգում իրենց ուժերը կփորձեն նաև կաշվե ձեռնոցի մեր երիտասարդ ներկայացուցիչները:
Հայաստանի երիտասարդական հավաքականը Կարեն Աղամալյանի գլխավորությամբ մեկնել է Անապա քաղաք, որտեղ կմասնակցի միջազգային մրցաշարի:
«Արմենպրես»-ի հաղորդմամբ, այս մասին տեղեկացնում է բռնցքամարտի ֆեդերացիան: Անապայում մեր երկրի մարզական պատիվը կպաշտպանեն 49 կգ քաշային Ալեն Դանիելյանը, 52 կգ քաշային Վահե Բադալյանը, 60 կգ քաշային Սպարտակ Թամարյանը, 64 կգ քաշային Արարատ Գյուլբանգյանը, 75 կգ քաշային Արմեն Մինասյանը և գերծանր քաշային Գուրգեն Հովհաննիսյանը: Անապայի միջազգային մրցաշարը կավարտվի ապրիլի 4-ին:
Բաժանորդագրվեք մեր ալիքին Telegram-ում