Բըրբանքում Ցեղասպանության տարելիցին նվիրված մոմավառությամբ երթ կիրականացվի
12:56, 28 Մարտ 2015
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: ԱՄՆ Կալիֆորնիա նահանգի Բըրբանք քաղաքում տեղի կունենա Հայոց ցեղասպանության տարելիցին նվիրված միջոցառում: Ինչպես հաղորդում է «Արմենպրես»-ը` վկայակոչելով «Ասպարեզ» պարբերականը, միջոցառման մեկնարկը կտրվի ապրիլի 7-ին, երբ Բըրբանքի քաղաքային խորհրդում կներկայացվի Հայոց ցեղասպանության ճանաչման բանաձևը:
Ավելի ուշ միջոցառման մասնակիցները քաղաքային խորհրդի դահլիճից մոմավառությամբ երթ կիրականացնեն դեպի Բըրբանքի երիտասարդական կենտրոն: Միջոցառումները կազմակերպվել են Հայաստանի երիտասարդական հիմնադրամի Բըրբանքի «Վարագ» մասնաճյուղի, Հայ դատի ԱՄՆ հանձնախմբի տեղի մասնաճյուղի, քաղաքի ՀՄԸՄ «Սիփան» մասնաճյուղի, Հայ օգնության միության «Արազ» մասնաճյուղի օգնությամբ:
Բաժանորդագրվեք մեր ալիքին Telegram-ում