ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Մրցաշարի վերջին տուրում Պետրոսյանը խաղում էր առաջատար Վլադիսլավ Արտեմևի հետ: Գրոսմայստերները պարտիան ավարտեցին ոչ-ոքի:

Այսպիսով, արագ շախմատի Հայաստանի չեմպիոն Տիգրան Պետրոսյանը, 9 հնարավորից հավաքելով 6,5 միավոր, մրցաշարում զբաղեցրեց  8-րդ հորիզոնականը:

Մրցաշարում հաղթանակ տարավ ՌԴ ներկայացուցիչ Վլադիսլավ Արտեմևը:

«Արմենպրես»-ի հաղորդմամբ, Տաշքենդի այս մրցաշարն անցկացվում էր արդեն 8-րդ անգամ` ի հիշատակ Գեորգի Ագզամովի: Մրցաշարի մրցանակային ֆոնդը կազմում էր 20 հազար ԱՄՆ դոլար, որից 4 հազար դոլարն ստացել է հաղթողը, իսկ երկրորդ և երրորդ տեղերը զբաղեցրած մասնակցիներին բաժին է հասել, համապատասխանաբար, 3 և 2 հազար դոլար: Մրցաշարին մասնակցել են 76 շախմատիստ: